Buffon thotë që kroatët vuajtën në ndeshjen ndaj Shqipërisë

Shefi i delegacionit të Italisë, Gianluigi Buffon theksoi se tashmë skuadrës i duhet të rigjejë sigurinë në fushë, ndërsa u shpreh i bindur se me Kroacinë do të jetë një tjetër ndeshje nga ajo me Spanjën.

Pas disfatës me Spanjën, Italisë i duhet të reagojë dhe të gjejë forcat për të mposhtur ose të paktën të marr një pikë me Kroacinë në ndeshjen e tretë të Grupit B, përndryshe kampionët në fuqi të Evropës rrezikojnë të largohen që në faza e grupeve.

“Ndaj Kroacisë do të jetë një tjetër ndeshje në krahasim nga ajo me Spanjën. Ne ishim të zotët që e bëmë Shqipërinë të dukej një skuadër inferiore. E patë se sa shumë vuajti Kroacia ndaj Shqipërisë?”.

“Ndërkohë, edhe ne patëm shumë vështirësi me Spanjën dhe ata na bënë të dukeshim inferior, por nuk jemi të tillë”.

“Kemi mundësinë për t’iu gëzuar dy nga tre rezultatet e mundshme, por nuk duhet të mendojmë për këtë në fushë. Ndaj Kroacisë do të bëjmë një tjetër lloj performance dhe jam i sigurt se pas ndeshjes me kroatët do të flasim ndryshe”, ka thënë Buffon. /Telegrafi