“Dorëzohen” mësimdhënësit, ndërprejnë grevën për një ditë (VIDEO)

Mësimdhënësit kanë ndërprerë grevën për një ditë, e kanë marrë pjesë në procesin e Provimit të Maturës. Punonjësit e arsimit thanë se këtë e kanë bërë për “hatër” të nxënësve, të cilët në rast të dështimit të këtij afati do të mbetnin pa u regjistruar për studime të larta.

Sipas tyre pagesa për këtë ditë është e mirëseardhur, por jo arsyeja pse e pezulluan grevën.

Ditë më parë në SBASHK patën paralajmëruar se mësimdhënësit nuk do të marrin pjesë në këtë proces, teksa pak ditë më vonë ndryshuan mendim duke dalë me vendim që për këtë ditë të jenë në rolin e administruesëve.

Mësimdhënësit kanë nisur grevën e përgjithshme të enjtën.