Një rast i rëndë i sulmit seksual ndaj një të miture është raportuar në Gjakovë, ndërsa i dyshuari është ndaluar nga Policia.

Ngjarja dyshohet të ketë ndodhur më 13 korrik 2025 në rrugën “Ali Pashë Tepelena”, ndërsa rasti është zbuluar pas një mosmarrëveshjeje që i dyshuari kishte me të dashurën e tij.

Sipas informacioneve, gjatë intervistimit të dëshmitares, janë ngritur dyshime se i dyshuari kishte qenë në lidhje me një të mitur dhe kishte kryer veprime të papërshtatshme ndaj saj.

Viktima, A.D. është intervistuar në prani të përfaqësueses së Qendrës për Punë Sociale, ku ka deklaruar se i dyshuari e kishte puthur dhe e kishte prekur në mënyrë të papërshtatshme.

I dyshuari, Erblind Puqa është intervistuar nga njësia e hetimeve dhe me urdhër të Prokurorit të Shtetit është ndaluar për 48 orë.

Hetimet lidhur me rastin janë në zhvillim.