Kryetari Bulliqi viziton dy blegtorë nga fshati Llapashticë (FOTO)

Kryetari i Podujevës, Shpejtim Bulliqi ka vizituar dy blegtorë nga Llapashtica, Fidaim Havollin dhe Qëndrim Lutollin.

Fidaimi dhe vëllau i tij Feimi i mbajnë 41 krerë lopë, ndërsa Qëndrim Lutolli ka 21 krerë lopë.

Më poshtë postimi i kryetarit Bulliqi:

Sot kam vizituar dy blegtorë të vyer nga fshati Llapashticë, Fidaim Havolli dhe Qendrim Lutolli.

Fidaimi dhe vëllau i tij Feimi i mbajnë 40 krerë lopë dhe para pak kohësh kanë hapur edhe një ranç me 7 kuaj, të cilin mund ta vizitojnë dhe shfrytëzojnë qytetarët si një destinacion të ri e të veçantë për kalërim.

Pas kësaj vizituam edhe blegtorin Qendrim Lutolli i cili i mban 23 krerë lopë dhe merret me shumë përkushtim me këtë veprimtari, duke siguruar mirëqenien dhe të ardhura të mira për vete dhe familjen.

Gëzohemi kur shohim fermerë kaq punëtorë e të vyer që me punë e djersë sigurojnë mirëqenien për familjet e tyre.