E rëndë: 41-vjeçarja tenton t’i jap fund jetës, dërgohet me urgjencë në spital
![](https://podujevasot.net/wp-content/uploads/2024/02/Emergjenca-QKUK-14.jpg)
Dhuna në familje, kushtet e jetesës, rrethanat ekonomike, e depresioni shpesh janë vlerësuar shkaktarë që kanë çuar drejt vetëvrasjes e tentimit për ta kryer këtë akt. Familjet janë ato që i përjetojnë jashtëzakonisht rëndë këto raste dhe janë me fat kur arrijnë t’i shpëtojnë familjarët, raporton Gazeta Sinjali.
Kështu ka ndodhur në një familje në fshatin Rudicë të Klinës, ku një 41-vjeçare tentoi t’i japë fund jetës së saj, duke konsumuar medikamente në sasi të madhe.
Sinjali mëson se viktima është dërguar në Spitalin Rajonal të Pejës nga familjarët e saj, pasi iu përkeqësua gjendja shëndetësore.
Lidhur me rastin, Policia është njoftuar nga spitali dhe më pas një njësi policore ka dalë në vendin e ngjarjes për të marrë informacionet e para se si ka ndodhur ngjarja.
Me urdhër të Prokurorit të Shtetit, rasti është iniciuar ‘Vetëvrasje në tentativë’ dhe kanë nisur hetimet që zbardhin motivet dhe rrethanat e rastit.