Dy të lënduar nga një aksident trafiku (FOTO)

Një aksident trafiku ka ndodhur para pak minutave në rrugën Prizren – Gjakovë, saktësisht në fshatin Piranë, ku si pasojë janë lënduar dy persona, raporton Gazeta Sinjali.

Sinjalizues të Gazetës Sinjali kanë dërguar pamje nga vendi i ngjarjes ku shihet se dy vetura janë ndeshur mes vete, me ç’rast kanë pësuar dëme të mëdha materiale.

Rastin për Sinjalin e ka konfirmuar edhe togeri i Policisë së Kosovës për rajonin e Prizrenit, Shaqir Bytyqi, i cili ka bërë të ditur se në vendin e ngjarjes tashmë kanë dalë të gjitha njësitë relevante.