Aksion për dhurim të gjakut në QKMF-në e Podujevës

Qendra Kombëtare e Kosovës për Transfuzionin e Gjakut, në bashkëpunim me Drejtorinë për Shëndetësi dhe Mirëqenie Sociale (DSHMS) dhe Qendrën Kryesore të Mjekësisë Familjare (QKMF), organizon një aksion për dhurimin vullnetar të gjakut më 19 shtator 2024, nga ora 10:00 deri në 14:00, në ambientet e QKMF-së në Podujevë.

Ky aksion ka për qëllim mbledhjen e gjakut për të sëmurët dhe të lënduarit që trajtohen në spitalet tona.

Ftojmë të gjithë qytetarët që gëzojnë shëndet të mirë dhe që kanë dëshirë të kontribuojnë, të bashkohen në këtë iniciativë humanitare për të ndihmuar ata që kanë më së shumti nevojë.

Dhurimi i gjakut shpëton jetë. Bashkohuni!