Një ditë pas humbjes, Prishtina pranë transferimit të bomberit të njohur

Sulmuesi amerikan, Kyrian Nwabueze do të vazhdojë karrierën në Superligën e Kosovës, te Prishtina.

Nwabueze është 29 vjeçar dhe njihet në futbollin tonë pasi më parë kishte mbrojtur ngjyrat e Dritës.

Telegrafi mëson se Prishtina ka arritur marrëveshje me lojtarin dhe ai do të zbarkojë në kryeqytet. Nwabueze njihet për shpejtësinë e tij dhe nuhatjen para porte.

Ai ka bërë karrierë te klubet si Ararat Yerevan, Shirak, Gorica, Pobeda, Laçi dhe Kuala Lumpur City, ku ishte së fundmi.