Podujevë: Gruaja rrah motrën e saj dhe e dëbon nga shtëpia

Konfliktet mes anëtarëve të familjeve kosovare lindin për arsye të ndryshme. Mosmarrëveshjet verbale me njëri-tjetrin shpesh herë eskalojnë në kërcënime e përleshje fizike, duke u dashur kështu medoemos ndërhyrja e Policisë për te zgjidhur telashet, raporton Gazeta Sinjali.

Një rast i tillë ka ndodhur mbrëmë pak para mesnatës në një familje në Podujevë, ku një grua dyshohet se ka sulmuar fizikisht motrën e saj.

Sinjali mëson se rastin e ka denoncuar në Polici 41-vjeçarja e cila ka deklaruar se motra e saj e ka sulmuar fizikisht duke e goditur dhe i ka kërkuar që të largohet nga shtëpia.

Ajo nuk ka pranuar që të marrë ndihmë mjekësore, pasi që ka thënë se ndihet mirë, ndërkohë me urdhër të prokurorit është iniciuar rasti ‘Dhunë në familje’.