Nesër ditë e rëndësishme për Podujevën – Ky person shpallet qytetar nderi
Komuna e Podujevës ka bërë publike thirrjen për mbledhje solemne në Kuvendin Komunal të Komunës së Podujevës.
Më datën 12 shtator në këtë mbledhje do të shpallet qytetar nderi Halil Kastrati.
“Mbledhja mbahet me rastin e ndarjes së titullit Qytetar Nderi i Komunës së Podujevës, z.Halil Kastrati, themeluese i Shoqatës Bamirëse “Jetimat e Ballkanit”, për kontributin e dhënë në fushën e humanizmit në komunën e Podujevës”, thuhet në njoftim.
Mbledhja fillon në orën 11:00, në sallën e mbledhjeve të Kuvendit në ndërtesën e re të komunës së Podujevës.
