Instituti GAP: Këto premtime i ka realizuar Shpejtim Bulliqi

Instituti GAP ka publikuar premtimet që i kanë bërë kryetarët e Komunave të Kosovës gjatë fushatës së fundit në zgjedhjet lokale, përfshirë këtu edhe kryetarin e Podujevës, Shpejtim Bulliqi.

Në këto publikime, GAP ka thënë se kryetari i Komunës së Podujevës, Shpejtim Bulliqi, gjatë fushatës zgjedhore, kishte bërë gjithsej 61 premtime elektorale. Prej këtyre Bulliqi ka realizuar 8 premtime, 5 janë gjysmë të përfunduara, 18 kanë filluar dhe 30 ende nuk kanë filluar.

Në shëndetësi, i pari Podujevës ka bërë gjithsej 7 premtime, Shërbime Publike (9), Sociale (1), Sport (4), Kulturë (7), Infrastrukturë (5), Ekonomi (6), Bujqësi (5) dhe Administratë (3).

Më poshtë premtimet që janë realizuar:

Punë praktike për nxënësit e shkollave profesionale, Shujta për nxënësit nga klasa e I-rë deri në klasën e V-të, Rritja e buxhetit për bursa në 100 mijë euro, Rritje të klasave për fëmijët parashkollor, Bashkëpunim me donator dhe organizata ndërkombëtare në mbështetje të sektorit të bujqësisë, Subvencionimi i aktiviteteve kulturore, Zhvillimi i shërbimit paliativ shëndetësor (të gjithë pacientët që nuk kanë mundësi të lëvizin për shkak të problemeve shëndetësore, shërbimi mjekësor primar do ju ofrohet në shtëpi), Subvencionimi i klubeve sportive.