E rëndë: Dikush tenton t’i vr;as dy të rinj

Natën e Vitit të Ri, në rrethana akoma të paqarta, dikush ka tentuar t’i vrasë dy persona, në Graçanicë. Viktimat janë të moshave të reja akoma s’dihet motivi i të dyshuarve që i kishin cak. Për rastin tashmë ka nisur hetimet Policia dhe Prokuroria, raporton Gazeta Sinjali.

Siç merr vesh Sinjali, dy të rinjtë (emra të njohur për redaksinë) që janë viktima të rastit, janë një 20-vjeçar dhe një 23-vjeçar.

Bazuar në informacionet e para, gjendja e tyre shëndetësore është e rënduar dhe të njëjtit janë duke u trajtuar në Qendrën Klinike Universitare të Kosovës.

Të rinjtë janë dërguar me urgjencë në Klinikën Emergjente, ndërkaq në vendin e ngjarjes ku dyshohet se ndodhi incidenti, njësitë policore kanë kryer ekzaminimet e nevojshme.

Sipas të njëjtave burime, ende nuk dihen detajet e ngjarjes, përveç një veture të identifikuar, që është parë në lokacionin ku ndodhi ku rast.

Policia Rajonale në Prishtinë në koordinim me Prokurorin e Shtetit ka nisur ndërmarrjen e veprimeve hetimore, në drejtim të veprës penale ‘Tentim vrasje’.