Historike: Barcelona fiton ‘betejën’, kthehet në rregullin 1:1
Pas shumë muajve pritje, tifozët e Barcelonës tani mund të jenë të lumtur, pasi klubi zyrtarisht ka kthyer rregullin 1 me 1.
Para disa ditësh mediat raportuan që Dani Olmo ishte në rrezik të largohej nga Barcelona, për shkak që klubi nuk kishte mundësi ta regjistronte atë.
Por, gjithçka ndryshoi në orët e vona të së premtës, pasi klubi tashmë ka kthyer rregullin 1:1, rregull ky që i mundëson Barçës ta regjistrojë Dani Olmon.
Pra, Barça me anë të këtij rregulli mund të kryejë transferime pa asnjë kufizim. Ky është një lajm shumë i rëndësishëm edhe për Joan Laportan, i cili është president i klubit dhe me këtë arritje ai mund t’i fitojë sërish zgjedhjet presidenciale.
Me anë të këtij rregulli, Barçës i lehtësohet shumë transferimi i lojtarëve, njësoj siç ishte dikur, kur Barça shpenzonte miliona për të sjellë në ekip lojtarët më të mirë të botës.
