Ndërron jetë mësuesja e parë e diplomuar në Podujevë

Ka ndërruar jetë mësuesja e parë e diplomuar në Podujevë. Për këtë ka njoftuar kryetari i Podujevës, Shpejtim Bulliqi.

Ky është postimi i tij:

Paska ndërruar jetë Mihane Mehmeti-Duraku, mësuesja e parë e diplomuar në Podujevë. Gjatë jetës së saj ajo përcolli shumë gjenerata të nxënësve, që i edukoi për mrekulli. Ishte gjithashtu anëtare e SHKA “Josip Rela” si një këngëtare me zë të ëmbël e karakteristik. Ngushëllime të sinqerta familjeve, Mehmeti dhe Duraku! Ngushëllime të gjithë kolegëve, nxënësve dhe atyre që e njohën të ndjerën!