Shpejtim Bulliqi certifikohet si kandidat për kryetar të VV-së në Podujevë

Shpejtim Bulliqi është certifikuar si kandidat për kryetar të Vetëvendosjes në Podujevë.

Për këtë ka njoftuar vetë Bulliqi me anë të një postimi në facebook. Ky është postimi i tij:

Të dashur aktivistë dhe anëtarë të Lëvizjes VETËVENDOSJE! dua të ju njoftoj se pas verifikimit jam çertifikuar si kandidat për Kryetar të Qendrës së Lëvizjes VETËVENDOSJE në Podujevë.

Krahas punës dhe detyrave që na presin, jam shumë i vetëdijshëm për përgjegjësinë që po e kërkoj, por karshi kësaj përgjegjësie e kam vullnetin e madh dhe përkushtimin maksimal që bashkë me të gjithë aktivistët e anëtarët organizatën tonë ta forcojmë e zgjerojmë, pa u shkëputur asnjëherë nga parimet dhe vlerat e Lëvizjes.

Si Kryetar i Lëvizjes në Podujevë do të shtrij dorën e bashkëpunimit me të gjithë aktivistët e anëtarët e Lëvizjes, duke e njohur dhe respektuar kontributin e secilit ndër vite, e duke qenë të hapur për ardhjet e reja që kanë qëllime e vlera të përbashkëta me Lëvizjen. Na priftë e mbara!