Futbollistët e “Ballkanit” tregojnë për tmerrin që e përjetuan (VIDEO)

Fati nuk ishte me ta në fushën e gjelbër. Por, në situatë edhe më të keqe ishin lojtarët e ekipit të Ballkanit rrugës për Kosovë gjatë kthimit nga Çekia pas zhvillimit të ndeshjes së parë si mysafir në fazën e grupeve të Ligës së Konferencës.

Xhami i aeroplanit, me të cilin po udhëtonin rreth 80 persona, u plasarit andaj pas 30 minutave në ajër qe i detyrueshëm kthimi. Kjo, sipas futbollistit Nazmi Gripshi, ishte një moment i vështirë por që shpëtuan mrekullisht.

Nga klubi deklaruan se aeroplani u kontraktua në mënyrë private për bartjen e futbollistëve.

Ballkani është ekipi i parë kosovar që ka arritur të kualifikohet në një kompeticion europian, siç është Liga e Konferencës.