Spektakël futbolli sonte në Madrid të Spanjës

Ndeshja e parë e 1/8-ës së finales së Ligës së Kampionëve ndërmjet Real Madridit dhe Atletico Madridit do të zhvillohet sot, më 4 mars 2025, në orën 21:00, në stadiumin “Santiago Bernabéu”.

Kjo përballje pritet të jetë e fortë, duke pasur parasysh rivalitetin historik dhe formën aktuale të të dyja skuadrave. Trajneri i Real Madridit, Carlo Ancelotti, ka shprehur respekt për kolegun e tij, Diego Simeone, duke kujtuar përballjet e tyre të mëparshme në Itali dhe Spanjë.

Nga ana tjetër, Atletico Madrid vjen në këtë ndeshje pas një serie rezultatesh pozitive dhe synon të thyejë traditën e rezultateve në Ligën e Kampionëve kundër Real Madridit. Sulmuesi Julian Alvarez, i cili ka shënuar rregullisht këtë sezon, pritet të jetë një nga lojtarët kyç në këtë përballje.

Tifozët e futbollit presin me padurim këtë ndeshje, e cila premton emocione të forta dhe një spektakël të vërtetë futbolli.