KQZ: Rinumërohen 50 vendvotimet e rregullta
Ka përfunduar rinumërimi i fletëvotimeve nga 50 vendvotime të rregullta në Qendrën e Numërimit dhe Rezultateve (QNR), i cili ka qenë vendim i Komisionit Qendror i Zgjedhjeve.
Nga 50 vendvotime, 35 ishin në Vushtrri, e 15 në komuna të tjera.
Sipas njoftimit të KQZ-së, gjatë ditës së sotme, në orën 12:00, do të nisë rinumërimi i 1.631 fletëvotimeve të pavlefshme nga votimi me postë. Këto fletëvotime janë të shpërndara në 177 kuti votimi dhe do të rinumërohen në bazë të vendimit të Panelit Zgjedhor për Ankesa dhe Parashtresa (PZAP).
Komisioni Qendror i Zgjedhjeve ka thënë se ky proces do të zhvillohet nën mbikëqyrjen e vëzhguesve të akredituar, duke siguruar transparencë dhe respektim të procedurave zgjedhore.
