Flet 20 vjeçarja që i shpëtoi zjarrit, kërkon motrën e zhdukur

Maqedonia e Veriut është tronditur nga një ngjarje e rëndë, ku si pasojë e një zjarri që ka shpërthyer në një diskotekë në Koçan, 51 persona kanë humbur jetën dhe mbi 100 të tjerë kanë mbetur të lënduar.
118 persona po trajtohen aktualisht në spitalet e Koçanit, Shtipit e Shkupit.
Një nga të mbijetuarat e zjarrit është 20-vjeçarja, Marija Taseva, e cila ishte po ashtu e lënduar.
Ajo dëshmoi para kamerës së Ministrisë së Punëve të Brendshme se në momentin e zjarrit ka pasur turmë dhe se ajo ka rënë përtokë teksa po dilte jashtë.
Babai i saj thotë se nuk kanë informacion për vajzën e dytë, e cila është 25 vjeçe.
Kujtojmë se nga kjo tragjedi kanë humbur jetën 51 persona, teksa personat e lënduar që po mjekohen nëpër spitale janë nga mosha 14 deri në moshën 25 vjeçare.