E rëndë: Ky është 45-vjeçari që u gjet pa shenja jete në banesën e tij në Fushë Kosovë
Një person është gjetur pa shenja jete mëngjesin e sotëm në një banesë në rrugën “Hysen Xhakolli” në Fushë Kosovë, raporton Gazeta Sinjali.
Burimet nga Emergjenca bëjnë me dije se rasti është raportuar në orët e mëngjesit nga ekipi mjekësor në Bresje.
Gazeta Sinjali mëson se viktima është Ismet Imeraj, rreth 45-vjeçar.
Njësitet policore kanë dalë menjëherë në vendngjarje dhe kanë kryer ekzaminimet e nevojshme.
Sipas familjarëve, i ndjeri kishte qenë përdorues i alkoolit dhe kishte pasur probleme me tensionin.
Ata besojnë se vdekja ka ndodhur për shkaqe natyrale dhe kanë refuzuar që trupi i tij të dërgohet në Institutin e Mjekësisë Ligjore (IML).
Me urdhër të Prokurorit, është iniciuar rasti “Hetim mbi vdekjen”, ndërsa trupi i pajetë i është dorëzuar familjarëve për ceremoninë mortore.
