Agim Veliu “kapet” me Lumir Abdixhikun: Nuk ka qare pa tregu se çka ka me mu
Ish-nënkryetari i LDK-së, Agim Veliu, deklaroi se Lumir Abdixhiku ka diçka personale me të, duke u bazuar në masën që Abdixhiku ka marrë ndaj tij.
Veliu shtoi se LDK-ja ka pësuar rënie në të gjithë Kosovës dhe për këtë dështim e fajësoi kreun e LDK-së, Abdixhikun.
Sipas Veliut, Abdixhiku “nuk ka qare pa tregu” përse i ka marrë masat ndaj tij, të cilat Veliu i quan të kundërligjshme.
“Sa i takon rënies së LDK-së, LDK ka ra në gjithë Kosovën dhe ndaj askujt nuk është marrë asnjë masë. Në tërë atë rënie, LDK në Podujevë ka qenë forca kryesore e para në Kosovë me përqindje dhe gjithë kolegët e mi kanë qenë humbës më të mëdhenjë sesa unë, ndërsa masa është marrë vetëm tek unë”, tha në Pressing Veliu.
“Këtu shihet që Lumir Abdixhiku ka diçka personale me mua edhe ai kurrë nuk e ka sqaru çfarë ka personale me mua, por do të vijë një ditë që nuk ka qare pa e tregu cila është arsyeja që ai ka marrë masa të kundërligjshme ndaj meje”, tha Veliu.
