Shqipëri: Shpërthen zjarri në një stallë bagëtish, dyshohet për 200 krerë të djegura
Një zjarr masiv ka shpërthyer në një stallë bagëtish në fshatin Barbullojë, njësia administrative Shënkoll, bashkia Lezhë në Shqipëri.
Top Channel ka shkruar se sapo është raportuar ngjarja, në vendngjarje janë nisur dy mjete zjarrfikëse me personelin përkatës, përcjell Gazeta Sinjali.
Si pasojë e përmasave të mëdha të zjarrit, është kërkuar ndihmë edhe nga bashkitë Kurbin, Mirditë dhe Vau Dejës, të cilat kanë dërguar mjete zjarrfikëse dhe personel shtesë për të ndihmuar në shuarjen e flakëve.
Nga shpërthimi i zjarrit, përveç djegies totale të stallës, paraprakisht dyshohet se brenda janë djegur rrethe 200 krerë bagëti të imëta.
