Ligjëratë vetëdijësuese nga Policia e Kosovës në shkollën “Hyzriu e Samiu” në Letanc të Podujevës

Në kuadër të aktiviteteve vetëdijësuese për parandalimin e dukurive negative në shoqëri, Policia e Kosovës ka mbajtur një ligjëratë me nxënësit e ciklit të lartë në shkollën “Hyzriu e Samiu” në Letanc të Podujevës.

Temat e trajtuara gjatë këtij takimi ishin “Bullizmi” dhe “Përdorimi i rrjeteve sociale dhe pasojat ligjore”, me qëllim informimin dhe ndërgjegjësimin e të rinjve për rreziqet dhe pasojat që sjellin këto fenomene.

Policia e Kosovës synon që përmes këtyre ligjëratave të kontribuojë në parandalimin e sjelljeve negative dhe të forcojë bashkëpunimin me të rinjtë, duke i informuar ata për rolin e policisë si në parandalim ashtu edhe në trajtimin e rasteve të tilla.

Nxënësit u treguan shumë të interesuar për temat e diskutuara, duke marrë pjesë aktivisht në bashkëbisedim dhe duke shtruar pyetje në lidhje me fenomenet e bullizmit dhe përdorimit të rrjeteve sociale.

Këto aktivitete janë pjesë e përpjekjeve të vazhdueshme të Policisë së Kosovës për të ndërtuar një shoqëri më të sigurt dhe më të ndërgjegjësuar.