Policia gjen drogë në një automjet

Policia në Kaçanik dje rreth orës 17:00 në rrugën “Doganaj” ka ndaluar një veturë të tipit VË Golf me targa vendore.

Gjatë kontrollimit të dokumentacionit të shoferit dhe veturës, nën ulëset e pasme policia ka gjetur tre qese najloni që përmbanin disa paketime të vogla me lëndë narkotike të llojit marihuanë, me një peshë totale prej 53.02 gramësh.

Lidhur me rastin, policia bën të ditur në komunikatë se janë njoftuar hetuesit nga Drejtoria për Hetimin e Trafikimit me Narkotikë, të cilët kanë dalë në vendin e ngjarjes për të vazhduar hetimet.

I dyshuari, një mashkull kosovar 19-vjeçar, është arrestuar dhe ndaluar për 48 orë, për procedura të mëtejshme hetimore./Klankosova.tv