Vajza që thotë se ishte e dashura e Arditit me fjalë prekëse për vdekjen e tij

19-vjeçari Ardit Zymeri është djali i cili u vra mbrëmë në Vushtrri, e për të cilin rast i dyshuar është Bleon Dibrani, poashtu 19-vjeçar.

E një vajzë me emrin Jona, në rrjetin social TikTok ka bërë një shkrim, duke pretenduar se është e dashura e tij.

Ajo përmes këtij shkrimi shprehte dhimbjen e saj për vdekjen e Arditit dhe duke kërkuar falje që nuk ishte afër tij, përcjell Klankosova.tv.

“Shpirti jem i bardhë, që ka me qenë me mu gjithë jetën. A pate shumë dhimbje zemra jem? Pse ai plumb s’erdhi te unë, po tek ti? M’ke thanë gjithë që duhna me qenë e fortë për gjithçka, e sot po merr kuptim kjo fjalë”.

“M’ke thanë gjithë që Zoti i merr veç ata që i don, e vërtetë qenka, ai të deshti më shumë se ne, e të mori afër vetes. Arditi jem, faleminderit për çdo këshillë që më ke dhënë e që më ke thënë që duhet me qenë e fortë gjithë, unë jom, po jom për engjulin tim që është duke më parë prej lart, tash e tutje”.

“O dritë, zani yt po më mungon, ashtu siç jam mësuar ta dëgjojë çdo natë, e me më tregu hala që ki me qenë me mu gjithë, pavarësisht çdo të keqe që mundet me na ardh në jetë. Arditi jem, më fal që s’isha afër teje, po shpirti yt i bardhë do të jetë në trupin tem, shpirtërisht. Ti e din që Jona jotë s’të harron kurrë. Pusho i qetë melaqja jem”, ka shkruar vajza në TikTok.

Këto fjalë të vajzës që është shfaqur në këtë rrjet social me emrin Jona, kanë qenë mbishkrim i një videoje, të cilën më pas ajo e ka fshirë.