Të gjitha detajet e rastit në Vushtrri

Gazeta Insajderi ka mësuar eksluzivisht se gruaja që u vra në fshatin Stanovc të Vushtrrisë, Nexhmie Haradini ishte nën përcjelljen e dorasit, Arsim Morinës. Motivet e vrasjes së një nënë te tre fëmijëve janë tejet banale. Familjarët dyshojnë se ajo u vra nga pronari i ish- furrës ku kishte punuar për rreth 5 vite për arsye se kishte “lënë punën”dhe kishte nisur punën e re përball një furrë tjetër aty afër.

Në momentin e vrasjes, burimet e Insajderit brenda familjes Haradini, rrëfejnë se 42 vjeçarja ka qenë duke u kthyer në shtëpi nga puna.

Familjarët dyshojnë se viktima është përcjell nga dorasi, nga momenti kur e ka lënë punën e re dhe është nisur për shtëpi.

Pasi ka përfunduar orarin e punës, Nexhmie Haradini ka hypur në një kombi nga Millosheva për të shkuar në shtëpinë e saj në Stanovc.

Ajo ka zbritë nga kombi së bashku me dy kushërira të saja. Më pas, sipas burimit, e ndjera ka përdorur nënkalimin për të kaluar rrugën. Në anën tjetër të nënkalimit i ka dalë në pritë, Arsim Morina.

Ai ka gjuajtur me armë zjarri në drejtim të vitkimes, e cila ka marrë tre plumba. Nga plagët e marra ka ndërruar jetë në vendin e ngjarjes.

Familajrët thanë për Insajderin se dorasi, pasi e ka parë që prezent në momentin kritik, kanë qenë edhe dy persona të tjerë, ka gjuajtur edhe në drejtim të tyrë.

Por, fatmirësisht nuk kanë pësuar lëndime.

Autoritete e vendit kanë konfirmuar se një grua e moshës 42 vjeçe është vrarë me armë zjarri nga një burrë i moshës 58 vjeçe. Më pas, i dyshuari për vrasjen e gruas ka kryer vetëvrasje. Detaje si ndodhi vrasja dhe vetëvrasja

Rreth orës 15:00- tek nënkalimi i fshatit Stanoc në Vushtrri, autoritete kanë identifikuar dy trupa të pajetë. Gazeta Insajderi raportoi se gruaja e vrarë është 42 vjeçarja, Nexhmie Musliu Haradini.

Ajo është vrarë me armë zjarri nga Arsim Morina, cili më pas vret dhe veten. Ai është pronari i furrës “Diellza” ku kishte punuar më herët gruaja e vrarë. Dy viktimat nuk kanë asnjë lidhje familjare përveç faktit se e ndjera ka qenë punëtore në furrën “Diellza”.

Insajderi mëson se ajo ka qenë e martuar dhe ka lënë pas vetës tre fëmijë. Dy vajza dhe një djalë. Djali është i moshës 18 vjeçare ndërsa dy vajzat e mitura.