“Ka qenë gjithmonë i hareshëm, s’ka pasur probleme me askënd”, flet djali i axhës së policit

Mbrëmë, në hyrje të banesës së tij në Kaçanik, u vra rreshteri Muhamed Lika.

Sot, për “IndeksOnline”, ka folur djali i axhës së të ndjerit, Muzafer Lika, transmeton Klankosova.tv.

Ai thotë se i ndjeri nuk ka pasur asnjëherë problem me askënd, andaj, sipas tij, është e vështirë që të dyshohet në dikë.

“Rasti na ka prekur shumë, kemi dëgjuar shumë vonë mbrëmë. Na ka ardhur e papritur, as në mendje nuk e kemi pasur, nuk e kemi menduar që mundet me ardhë te ai bile, së paku te ai person një vrasje e tillë. Ka qenë shok për ne”.

“Ky ka qenë njeri i hareshëm, i lumtur me të gjithë, asnjëherë zë nuk ka pasë me askënd. Çka ka ndodh nuk e dimë, nuk mundemi me dyshu në askënd. Rasti është shumë i shpejt, besoj që organet e sigurisë do të merren me këtë, dhe do të zbulohet rasti”, tha Muzafer Lika.

Tutje, ai thotë se të plagosur rëndë, Muhamed Likën e gjeti bashkëshortja e tij, të cilët nuk kishin fëmijë.

“Asnjëherë në jetë nuk ka pasë keq me dikë, ka qenë duke jetuar në banesë të vetë,me gruan e vete, prej punës është kthyer, në ora 23:00 sa e ka pas ndërrimit, dhe gjatë hyrjes në banesë ka ndodh rasti.

“Nuk e dimë se si ka ndodh rasti, por gruaja e tij kur ka dalë e ka gjetur të plagosur rëndë. Fëmijë nuk ka pasur. Rrugës për spital në Prishtinë, ka ndërruar jetë”, tha ai.