Ky është personi (EMRI)

Gazeta Sinjali më herët raportoi për një rast shumë të rëndë që ka ndodhur së fundmi në Gjilan, ku një 15-vjeçare është sulmuar seksualisht nga një 58-vjeçar, i cili del te jetë pronar i marketit ku edhe ka ndodhur ngjarja. I dyshuari tashmë është arrestuar nga Policia, ndërsa Sinjali ka zbuluar detaje të reja në lidhje me rastin.

Sinjali mëson ekskluzivisht se i dyshuari për sulmin seksual ndaj të miturës është 58-vjeçari, Fatmir Rudhani.

Siç merr vesh Sinjali, Rudhani është pronar i marketit “Cani”, i cili ndodhet në rrugën “Pajazit Ahmeti” në Gjilan, aty ku e mitura është sulmuar seksualisht nga i dyshuari.

Kështu ka raportuar në Polici e mitura, e cila ishte e shoqëruar nga babai i saj, dhe bashkë me të e kanë denoncuar rastin pak orë pasi ka ndodhur ngjarja e rëndë.

Sipas deklaratave të tyre në Polici, sulmi seksual ka ndodhur dje rreth orës 18:30, brenda ambientit të marketit.

Pas intervistimit, 58-vjeçari është ndaluar për 48 orë, ndërsa rasti është inicuar si “Sulm Seksual”.

Sinjali do të iu mbajë të informuar në lidhje me vazhdimësinë e këtij rasti.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.