Abdixhiku: Deputetët e Vetëvendosjes po e përbuzin seancën konstitutive
Kryetari i Lidhjes Demokratike të Kosovës, Lumir Abdixhiku, ka akuzuar Lëvizjen Vetëvendosje për dështimin e konstituimit të Kuvendit, duke e cilësuar sjelljen e tyre si përbuzje ndaj procesit parlamentar, shkruan GazetaSinjali.
“Qytetarët e kanë të qartë kush janë përbuzësit e Seancës konstitutive. Ndonëse kishte kuorum të mjaftueshëm. Është për keqardhje. Është shkelje e rëndë, praktik e pazakontë”, ka deklaruar Abdixhiku.
Ai theksoi se ky veprim i deputetëve të Vetëvendosjes është i papranueshëm dhe përfaqëson një precedent negativ në funksionimin e institucioneve demokratike në vend.
Abdixhiku mes tjerash tha se Dehari që sipas tij ka rastisur të jetë nga Lëvizja Vetëvendosje veproi padrejtësisht pasi sipas tij, kishte kuorum për të vazhduar me votimin e raportit të Komisionit për verifikim të mandateve.
