Vodhi pashteta dhe gullash, përfundon në burg

Një rast i pazakontë është raportuar mbrëmë në Prishtinë, ku një person dyshohet se ka vjedhur ushqime në një prej marketeve të njohura në lagjen “Qafa”.

Burime të Sinjalit brenda marketit bëjnë me dije se rreth orës 20:00, një mashkull hyri në market dhe, pa u vërejtur nga punëtorët, mori disa produkte ushqimore – kryesisht pashteta dhe gullashë – me vlerë rreth 80 euro dhe doli jashtë pa kryer pagesën.

Pasi u vërejt mungesa e produkteve dhe duke parë pamjet e kamerave të sigurisë, stafi i marketit njoftoi Policinë, të cilët iu përgjigjën menjëherë thirrjes. Njësitë policore arritën të identifikojnë dhe shoqërojnë në stacion të dyshuarin.