Gjashtë vetura përfshihen në aksident

Katër persona janë lënduar si pasojë e përfshirjes së gjashtë veturave në një aksident trafiku në rrugën Prishtinë-Pejë, më saktësisht në fshatin Bresje të Fushë Kosovës.

Zëdhënësi i Policisë së Kosovës, Bajram Krasniqi, bëri të ditur se njësitë policore po merren me procedurat lidhur me aksidenti.

“Rreth orës 18:15, policia është njoftuar për një aksident trafiku të ndodhur në rrugën nacionale Prishtinë-Pejë (Bresje-F.Kosovë). Njësia e trafikut njofton se në aksident janë përfshirë gjashtë vetura. Si pasojë e aksidentit katër persona kanë kërkuar ndihmë mjekësore”, shtoi Krasniqi.