Abdixhiku merr “PO-në” nga Haradinaj për krijimin e Qeverisë së Tranzicionit

Kryetari i Lidhjes Demokratike të Kosovës, Lumir Abdixhiku, ka bërë një hap drejt krijimit të një qeverie të tranzicionit .Ai ka bërë të ditur se ka marrë aprovimin e parë për këtë ide nga lideri i Aleancës për Ardhmërinë e Kosovës, Ramush Haradinaj.

Në një konferencë për media të mbajtur sot, Abdixhiku tha se i ka njoftuar partitë politike shqiptare për këtë ide dhe se ideja e tij është duke u shqyrtuar nga disa prej tyre, si nga AAK.

“Mund të them që z. Haradinaj sapo më shkroi pas dhe pranoi një ide të tillë”, deklaroi Abdixhiku para gazetarëve, duke lënë të kuptohet se koalicioni për një qeveri të tranzicionit mund të jetë më afër se kurrë më parë.