Vazhdon edhe këtë të hënë greva e punëtorëve të “Pastrimit”

Greva e punëtorëve të kompanisë rajonale “Pastrimi” ka hyrë në ditën e saj të radhës edhe të hënën e 26 majit.

Punëtorët janë mbledhur sërish para objektit të Komunës së Prishtinës, ndërsa kamionët e kompanisë janë parkuar në rrugë, duke bllokuar qasjen përballë ndërtesës së komunës.

Kryetari i Sindikatës së punëtorëve, Ardian Krasniqi, ka bërë të qartë se greva nuk do të ndërpritet pa përmbushjen e kërkesave.

“Greva s’do të ndërpritet deri në përmbushjen e plotë të kërkesave”, deklaroi ai të dielën.