Rrahje mes vëllezërve, bëhen për spital

Një rast i dhunës në familje është raportuar të mërkurën pasdite në qytetin e Obiliqit, ku dy vëllezër janë përfshirë në një përleshje fizike që ka përfunduar me ndërhyrje policore.

Burime të Gazetës Sinjali bëjnë të ditur se incidenti ka ndodhur më 18 qershor 2025, rreth orës 15:04, në rrugën “Fejzullah Grajqevci”.

Sipas informacioneve, viktima F.A. ka deklaruar se vëllai i tij, B.A., e ka kapur për maicë, e ka goditur me shuplakë në fytyrë dhe i ka shkaktuar gërvishtje të lehta në krahun e djathtë si dhe skuqje në faqen e djathtë të fytyrës.

Viktima ka marrë trajtim mjekësor, ndërsa policia ka shoqëruar dhe intervistuar të dyshuarin. Me vendim të prokurorit kujdestar për rastet e dhunës në familje, rasti është iniciuar si “Dhunë në familje”, ndërsa procedura penale do të vazhdojë në mënyrë të rregullt.

Të dy palët janë liruar në procedurë të rregullt, ndërkohë që rasti do të hetohet në vijim nga njësia përkatëse policore.