“Boll, boll”, polici ushtron dhunë ndaj një femre, duke tërhequr nga flokët

Një qytetare ka denoncuar në redaksinë e JOQ Albania një ngjarje të ndodhur mbrëmjen e djeshme pranë semaforit te “9-Katëshet” në Tiranë.

Sipas denoncueses, ka ndodhur një situatë mes efektivëve të policisë dhe një vajze, ku dyshohet për përdorim force nga një polic mashkull ndaj saj.

Në mesazhin e qytetares thuhet se nuk është e qartë çfarë ka ndodhur në fillim, por ajo dëgjoi vajzën duke bërtitur “boll, boll” ndërkohë që një polic mashkull, në prani edhe të një policeje femër, e tërhoqi vajzën zvarrë nga flokët dhe e çoi në pjesën e pasme të zonës ku ndodhej makina.

Ngjarja është parë nga qytetarja ndërkohë që ndodhej në një taksi dhe nuk ka mundur ta filmojë të gjithë momentin, por thekson se një pjesë e dhunës vihet re në fund të videoos.

Mesazhi i qytetares:
“Mirëmbrëma JOQ, si kaluat. Dua të denoncoj një rast të ndodhur mbrëmë te semafori te 9-Katëshet në Tiranë. Nuk e di tamam çfarë ka ndodhur dhe nuk arrita ta kapja nga fillimi videon, por ishin policë meshkuj dhe një femër. Kam arritur të kap policin e parë që po shkonte mbrapa andej dhe një vajzë që bërtiste tërë kohën “boll, boll”. Duke qenë një police femër aty, “burri polic” që përfiton nga statusi që ka, ishte duke e dhunuar. Sido të ketë qenë situata, në asnjë shtet nuk lejohet të preket dikush me dorë nga shteti, e sidomos një femër. Kaq munda të kap. Ishim në taksi dhe s’mund të ndalonte aty, megjithëse ia kërkova. Por në momentin e parë, kur s’kisha nxjerrë telefonin, e kapi zvarrë nga leshrat e kokës. Dhe e çoi andej mbrapa. “Boll”, thoshte ajo vajza që po dhunohej. E tërhoqi zvarrë nga makina deri aty mbrapa ku e shihni në video. Për dreq s’e kisha telefonin në dorë dhe nuk arrita ta kapja, por te video e dytë vihet re pakëz në fund që çojnë prapë duar duke u gjuajtur”.

VIDEO: