Netanyahu falënderon Trumpin: Amerika e pakrahasueshme

Kryeministri izraelit Benjamin Netanyahu ka lavdëruar presidentin amerikan Donald Trump pas njoftimit se ushtria e SHBA-së ka bombarduar tri centrale bërthamore në Iran, shkruan Gazeta Sinjali.

Në një mesazh video, Netanyahu e cilësoi veprimin e Trumpit si një “vendim të guximshëm” që, sipas tij, “do të ndryshojë historinë”.

“Urime president Trump. Vendimi juaj i guximshëm për të synuar objektet bërthamore të Iranit me fuqinë e mrekullueshme dhe të drejtë të SHBA-së do të ndryshojë historinë”, u shpreh ai.

Netanyahu shtoi gjithashtu se ky veprim demonstron se “Amerika ka qenë vërtet e pakrahasueshme”, duke e konsideruar sulmin një mesazh të qartë ndaj ambicieve bërthamore të Iranit.

Derisa, ai tha në një deklaratë të veçantë se sulmet e SHBA-së ishin kryer në koordinim me Izraelin dhe tha se premtimi për shkatërrimin e programit bërthamor të Iranit ishte përmbushur.