Revoltohet Shala: Tani është koha me e djeg Kuvendin, jo kur e kallke Vetëvendosja

Analisti politik, Azdren Shala gjatë emisionit “Ora Shtatë” në Klan Kosova, deklaroi se koha për të djegur Kuvendin është tani, pasi sipas tij, një gjë e tillë do të nënkuptonte akt patriotik.

Ai u shpreh kështu duke iu referuar kohës, siç e cek ai, kur Vetëvendosja ‘kalli’ parlamentin, transmeton Klankosova.tv.

“Unë jam për veprime radikale në Kuvend, por nuk guxon Albin Kurti prej Kuvendit në Kryeministri, dhe prej Kryeministrisë në Kuvend, kjo është skandal more. Një njeri ka uzurpuar dy institucione, këta po e këqyrin. E sheh atë Besian Mustafën tu u zgërdhi me Arban Abrashin, e në ndërkohë kur ka menduar mbi ballin e paranojës Vetëvendosja që Kosovën po e shet Isa Mustafa, e ka djeg Kuvendin, sot është koha me djeg Kuvendin. Atëherë ka qenë vandalizëm, sot është akt patriotik”, u shpreh Shala.