Gruaja e çon burrin në Polici pasi ia mori telefonin: M’tha s’ta kthej ma

Çiftet në qytetet e ndryshme të Kosovës përfundojnë në Polici për arsye të ndryshme, ndonjëherë edhe banale. Për një rast të tillë që ka ndodhur mbrëmë në rrugën ‘C’ në Prishtinë, Prokuroria ka nisur hetimet.

Sinjali mëson se rastin në Polici e ka raportuar gruaja e cila ka denoncuar bashkëshortin e saj. Sipas saj, i dyshuari pas një mosmarrëveshjeje ia ka marrë asaj telefonin dhe i ka thënë se nuk do t’ia japë më.

Para hetuesve policorë viktima ka mohuar të ketë përjetuar dhunë psikike e fizike nga bashkëshorti i saj, i cili po ashtu është intervistuar në Polici.

Me urdhër të prokurorit, rasti është iniciuar ‘Dhunë në familje’.