Këshilli i Prindërve: Hapni shkollat ose çregjistrohemi

Po kalon edhe dita e 22 që rreth 320 fëmijë nuk po mund të shkojnë në shkolla, derisa sa reagimet kundër grevës po vijnë e shtohen e po bëhen më të ashpra, raporton Gazeta Sinjali.

E më të ashpër në reagime vazhdojnë të jenë Këshilli i Prindërve të Kosovës, të cilët kanë paralajmëruar se nëse  nuk hapen shkollat do t’i çregjistrojnë fëmijët.

Nëpërmjet një njoftimi Këshilli i Prindërve, theksojnë se i janë mirënjohës organizatës UNICEF që ka kërkuar fillimin e menjëhershëm të procesit mësimor në Kosovë, duke sqaruar edhe dëmin e madh që po i bëhet të ardhmes së fëmijëve.

“Do të donim që reagime të tilla, në mbrojtje të së drejtës kushtetuese të fëmijëve tanë për edukim e arsimim publik, të kishim edhe nga organizata e përfaqësi të tjera ndërkombëtare që zakonisht reagojnë për çështje shumë më pak të rëndësishme”, thuhet në komunikatën e Këshillit të Prindërve.

Ata tregojnë se sot është e 22-ta ditë që rreth 320 mijë fëmijë nuk mund të shkojnë në shkolla.

“Hapni shkollat ose çregjistrohemi”, paralajmërojnë sot Këshilli i Prindërve të Kosovës.