Eliminuan Man Cityn nga Kupa e Botës për Klube, sheiku hyri në zhveshtore dhe njoftoi lojtarët për bonusin marramendës

Futbollistët e Al Hilal arritën një sukses të madh duke siguruar kalimin në çerekfinalet e Kupës së Botës për Klube, pasi eliminuan Manchester Cityn në një ndeshje dramatike me rezultatin përfundimtar 4-3 pas vazhdimeve.

Ekipi nga Arabia Saudite, i udhëhequr nga trajneri italian Simone Inzaghi, festoi kundër njërit prej klubeve më të mëdha evropiane, duke shkaktuar eufori në dhomat e zhveshjes, por edhe tek tifozët.

Menjëherë pas ndeshjes, gjatë festimeve në dhomën e zhveshjes, u shfaq një nga sheikët sauditë, i cili vendosi ta motivonte dhe shpërblente më tej ekipin.

Konkretisht, secili lojtar i Al Hilal u shpërblye me nga pesë milionë euro, gjë që shkaktoi entuziazëm tek lojtarët dhe stafi i trajnerëve.

Ky çmim i jashtëzakonshëm konfirmon më tej se sa të përqendruar janë udhëheqja e klubit dhe shtetit të Arabisë Saudite në promovimin e sportit, veçanërisht përmes investimeve në futboll.

Në çerekfinalet e Kupës së Botës për Klube, Al Hilal do të përballet me brazilianët e Fluminense, kampionin aktual të Amerikës së Jugut. /Telegrafi/