Musliu ironizon me Fitore Pacollin: Uroj mos t’i kenë shkruar në grupin e biçikletave

Deputetja e Partisë Demokratike të Kosovës, Ganimete Musliu, ka reaguar me ironi pas mungesës së deputetes së Vetëvendosjes, Fitore Pacolli, në seancën gjyqësore që lidhet me rastin e hedhjes së gazit lotsjellës në Kuvend.

Sipas raportimeve, gjykata ka paralajmëruar shqyrtimin e mundësisë për urdhërarrest apo masë paraburgimi ndaj Pacollit, për shkak të mosparaqitjes së vazhdueshme në seanca.

Musliu e ka komentuar këtë përmes një postimi në Facebook, duke thumbuar me ironi:

“Uroj qe mos ti kene shkruar ne grupin e Bicikletave” – ka shkruar ajo, duke aluduar në një grup të brendshëm komunikimi të VV-së, i përmendur më herët në media.