Arrestohet 20-vjeçari që mori dhe bashkëjetoi me 15-vjeçaren
Rasti i të miturës nga Gjakova që u raportua si e zhdukur ka përfunduar me arrestimin e një 20-vjeçari, i cili kishte bashkëjetuar ilegalisht me të, që nga momenti i largimit të saj nga shtëpia.
Burimet e Sinjalit bëjnë me dije se bëhet fjalë për Albion Gashi, rreth 20-vjeçar, i cili është paraqitur së bashku me të miturën në Stacionin Policor në Gjakovë, ku gjatë intervistimit ka rezultuar se ata kishin qenë në bashkëjetesë jashtëmartesore për disa ditë.
Pas konsultimit me Prokurorin e Shtetit, ndaj të dyshuarit është iniciuar rasti penal “Bashkësi jashtëmartesore me personin nën moshën 16 vjeç”, ndërsa me vendim të prokurorit ai është ndaluar për 48 orë.
E mitura është kthyer nën kujdesin e familjes, ndërkohë që hetimet janë duke u zhvilluar nga njësia për krime të rënda pranë DRP Gjakovë.
Sinjali do të sjellë zhvillime të reja rreth këtij rasti që ka tronditur opinionin publik.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
