Ekskluzive: Ky është personi që sulmoi policen dhe u arratis

Gazeta Sinjali pak më parë raportoi për një incident që ka ndodhur pasditen e së premtes në Pikën Kufitare të Hanit të Elezit, ku një person i dyshuar është arratisur gjatë kontrollit policor, ka sulmuar një zyrtare policore dhe ka detyruar këtë të fundit të përdorë armën zyrtare duke shtënë në ajër.

Lidhur me këtë, burimet tona ekskluzive kanë siguruar identitetin e personit të dyshuar.

Bëhet fjalë për Muhamet Cakollin, rreth 41-vjeçar, i cili pas tentativës për ta shmangur kontrollin policor, është fshehur në një lokal afër zonës kufitare, e më pas gjatë ndjekjes ka goditur me duar zyrtaren policore. Ajo, në përpjekje për vetëmbrojtje dhe ndalim të të dyshuarit, ka shtënë një herë me armë në ajër.

Pavarësisht reagimit të menjëhershëm të Policisë, i dyshuari ka arritur të largohet dhe aktualisht ndodhet në arrati.

Rasti është iniciuar për tri vepra penale: “Sulm ndaj personit zyrtar”, “Arratisje e personit të privuar nga liria”, dhe “Shkaktim i rrezikut të përgjithshëm”.