Aksident në autostradën Prishtinë-Ferizaj – rrokulliset një automjet, s’dihet për të lënduar

Një aksident ka ndodhur sot në autostradën Prishtinë-Ferizaj, ku një automjet është rrokullisur, raporton Gazeta Sinjali.

Në pamjet që ka siguruar Sinjali, shihen edhe disa drurë, që kanë rënë në mes të autostradës, megjithatë ende nuk dihet nëse ato kanë shkaktuar aksidentin apo janë rrëzuar si pasojë e tij.

Nuk ka ende informacion zyrtar nëse ka persona të lënduar nga ky aksident.

Për rastin në fjalë, Gazeta Sinjali ka kontaktuar edhe me Policinë e Kosovës, dhe jemi ende në pritje të përgjigjes zyrtare.