Abdixhiku për alarmin në Kuvend: ‘S’mu duk diçka serioze’

Pak para nisjes së seancës së 42-të konstituive të Kuvendit të Kosovës, një kërcënim i bërë përmes telefonit solli ndërhyrjen e menjëhershme të Policisë së Kosovës.

Si masë paraprake sigurie, të gjithë deputetëve të zgjedhur iu kërkua të lëshonin ambientet e brendshme të institucionit derisa autoritetet të bënin verifikimet e nevojshme.

Lidhur me këtë zhvillim ka reaguar edhe kryetari i Lidhjes Demokratike të Kosovës (LDK), Lumir Abdixhiku. Ai u shpreh se situata nuk i është dukur alarmante dhe se, sipas tij, nuk ka pasur ndonjë arsye për panik. “Nuk më është dukur si diçka serioze”, tha Abdixhiku, duke shtuar se do të ishte mirë që këto raste të trajtohen me kujdes, por pa u krijuar frikë të panevojshme.