Lushaku: Kemi vetëm një propozim – të respektohet Kushtetuta

Deputetja e Lidhjes Demokratike të Kosovës (LDK), Jehona Lushaku-Sadriu, ka kërkuar nga kryesuesi i seancës, Avni Dehari, që të sigurojë respektimin e Kushtetutës së Kosovës gjatë procesit parlamentar, shkruan Gazeta Sinjali.

Duke folur në emër të LDK-së në seancën për konstituimin e Kuvendit, Lushaku theksoi se partia e saj ka një kërkesë të qartë dhe të vetme.

“Në emër të LDK-së, ne kemi një propozim të vetëm: që të respektohet Kushtetuta dhe të mos shkelet ajo,” deklaroi ajo.