Çitaku: Kuvendi është peng i kokëfortësisë së Kurtit dhe Haxhiut
Deputetja e Partisë Demokratike të Kosovës (PDK), Vlora Çitaku, ka akuzuar kryetarin e Lëvizjes Vetëvendosje, Albin Kurti, dhe kandidaten e kësaj partie për kryetare të Kuvendit, Albulena Haxhiu, për bllokimin e procesit të konstituimit të legjislaturës së re, shkruan Gazeta Sinjali.
Në seancën e 42-të për zgjedhjen e kryetarit të Kuvendit, Çitaku tha se ky institucion po mbahet peng nga kokëfortësia e Kurtit dhe Haxhiut, duke theksuar se PDK nuk do të lejojë shkelje të rendit kushtetues.
