Rrahu djalin nën ndikimin e alkoolit dhe e bëri për spital – Arrestohet babai

Një tjetër rast shqetësues i dhunës në familje ka ndodhur mbrëmjen e djeshme në Mitrovicë, ku një burrë është arrestuar pasi ka sulmuar fizikisht djalin e tij, njofton Mitropol.

Incidenti ka ndodhur rreth orës 22:10, kur i dyshuari, një në gjendje të dehur, ka ushtruar dhunë fizike ndaj të birit. Viktima ka kërkuar ndihmë mjekësore dhe i është ofruar tretman i menjëhershëm.

Policia ka ndërhyrë menjëherë pas marrjes së thirrjes dhe ka arrestuar të dyshuarin, ndërsa me vendim të prokurorit të shtetit, ai është dërguar në mbajtje për procedura të mëtejshme ligjore.

Ky rast rikthen në qendër të vëmendjes fenomenin e dhunës brenda familjes, që vazhdon të jetë një ndër problemet më serioze të shoqërisë sonë, e shpeshherë shfaqet në rrethana të rënduara nga alkooli apo konfliktet e pazgjidhura familjare./Mitropol/