Tiranë – Apartamenti përfshihet nga zjarri në orët e vona

Një apartament është përfshirë nga flakët mbrëmjen e sotme në afërsi të sheshit “Wilson” në Tiranë. Ngjarja ndodhi vetëm pak minuta më parë, duke shkaktuar panik tek banorët e zonës përreth.

Në vendngjarje janë paraqitur menjëherë forcat zjarrfikëse, të cilat po punojnë për neutralizimin e flakëve dhe për të shmangur përhapjen e tyre në banesat ngjitur. Ndërkohë, policia ka nisur hetimet për të zbardhur rrethanat e incidentit dhe shkaqet e mundshme të zjarrit.

Deri në këto momente nuk raportohet për persona të lënduar, ndërsa dëmet materiale mbeten ende të paqarta.

Portali ynë do të vijojë të raportojë mbi zhvillimet e mëtejshme lidhur me këtë ngjarje në kohë reale.