LDK lëshon seancën pas vonesës në nisjen e saj

Grupi parlamentar i LDK-së ka lëshuar sallën e kuvendit pasi siç tha shefi i grupit të kësaj partie, Arben Gashi, është e paarsyeshme dhe e palogjikshme pritja e deputetëve të opozitës.

Ai tha se në momentin që në sallë janë 61 deputetë, kuvendi duhet të vazhdojë punën.

“Është shumë me rëndësi me kuptu se kuvendi merr vendime me shumicë. Kemi më shumë se katër orë kuorum për votim, dhe kuvendi nuk po voton. Kjo nuk është në të mirë të demokracisë dhe as të parlamentarizmit”.

“Është e paarsyeshme që ne të vazhdojmë të marrim pjesë në seancë duke marr parasysh këtë sjellje ku na pamundësohet që disa orë të votojmë mbi bazën e vullnetit të lirë të deputetëve duke pritur që kuvendi t’i bëjë 61 deputetë. E paarsyeshme dhe e palogjikshme. Momenti që kuvendi ka 61 deputetë, detyrë e kryetarit të kuvendit është që të fillojë seancën dhe kuvendi të vendosë me votë lirë”, tha ai, njofton Klankosova.tv.